सुनाखरी न्युज
२०७६ भदौ ३ , मंगलबार

आइसिटी अवार्डमा उत्कृष्ट ५ को घोषणा, अनलाइन र एसएमएस भोटिङ सुरु

प्रबिधि

Capture

आइसिटी अवार्डमा उत्कृष्ट ५ को घोषणा, अनलाइन र एसएमएस भोटिङ सुरु

सुनाखरी न्युज/ काठमाडौं – लिभिङ विथ आइसिटीको आयोजनामा हुन लागेको आइसिटी अवार्ड २०१९ अन्तर्गत ३ विधाका उत्कृष्ट ५ को घोषणा गरिएको छ । यसअन्तर्गत स्टार्टअप आइसिटी अवार्ड, प्रडक्ट आइसिटी अवार्ड र राइजिङ स्टार आइसिटी अवार्ड विधामा उत्कृष्ट ५ को घोषण भएको हो । गत असार २८ मा आयोजित प्रेजेन्टेशन र स्पिड डेटिङ सेसनपछि उत्कृष्ट ११ बाट उत्कृष्ट ५ को टुंगो लगाइएको निर्णायक समूहका संयोजक हेमपाल श्रेष्ठले जानकारी दिए । यसअध्ये स्टार्टअप आइसिटी अवार्ड २०१९ विधामा ई–डिजिटल नेपाल प्रालि, हाम्रो टेक्नोलोजी प्रालि, खाली सिसी म्यानेजमेन्ट प्रालि, युजी केक्स र वाकम्यान ‘ग्रिन क्वेन्स’ अन्तिम चरणमा पुग्न सफल भएका छन् ।

 

त्यस्तै प्रडक्ट आइसिटी अवार्ड २०१९ विधामा विधाना, डेल्टा सेल्स एप, इन्सपेला , एमबैंक र मेडिफ्लो सिस्टम एन्ड सर्भिसेस अन्तिम चरणमा पुग्न सफल भएका छन् । अर्को विधा राइजिङ स्टार आइसिटी अवार्ड २०१९ मा हेल्प इआर, नयाँ किनमेल, प्रशासन ई, रक्तदान र वाटर टेस्टर एप अन्तिम चरणमा पुगेका छन् । तीनै विधाका उत्कृष्ट ५ का लागि बिहिबार राती १२ बजेदेखि असार १८ गते राती १२ बजेसम्म अनलाइन र एसमएस भोटिङ गर्न सकिने अवार्ड कार्यक्रमका संयोजक राजन लम्सालले जानकारी दिए । अवार्डका अन्य ६ विधाका लागि निर्णायक मण्डलको समूहले छनोट प्रक्रिया जारी राखेको छ ।

 

यसअन्तर्गत पायोनियर आइसिटी अवार्ड, डिजिटल गभर्नेन्स आइसिटी अवार्ड, आन्ट्रप्रनर आइसिटी अवार्ड, नेपाली डायस्पोरा आइसिटी अवार्ड, डिजिटल एजुकेशन आइसिटी अवार्ड र मिडिया पर्सन आइसिटी अवार्ड रहेका छन् । यस संस्करणको आइसिटी अवार्डमा सबै विधा गरी २ सयभन्दा बढीको अनलाइन आवेदन परेको थियो । सबै विधामा कडा प्रतिष्पर्धा रहेको जानकारी दिदै निर्णायक समूहका संयोजक हेमपाल श्रेष्ठले हरेक किसिमले उत्कृष्ट छान्ने प्रयास गरिएको बताए । आइसिटी अवार्डको ग्रान्ड फिनाले आगामी साउन ३२ मा राजधानीस्थित सोल्टी क्राउन प्लाजामा हुने छ ।

Share this news: