सुनाखरी न्युज/ काठमाडौं – गोल्डन पर्ल नामको एक किलो चियापत्ती ९९,९९९ भारु (१ लाख ५९ हजार रुपैयाँ बढी) मा बेचिएको छ । भारतको गुवाहाटी चिया लिलामी केन्द्रमा यो चिया यत्तिको रकममा बिक्रि भएको हो ।

यसअघि अघिल्लो वर्ष डिसेम्बरमा गोल्टन बटरफ्लाई चियापत्ती ९९,९९९ मै बिक्रि भएको थियो । अब पुनः एकपटक कुनै कम्पनीको चियापत्ति ९९,९९९ भारुमा बिक्री भएको छ । यसपटक गोल्डन पर्लको चियापत्तिलाई असाम टि ट्रेडर्सले खरिद गरेको छ । असमको डिब्रुगढ जिल्लामा नाहोरचुकबारी कारखानामा यसलाई लिलामीमा राखिएको थियो । त्यहाँ थुप्रै ठूला कम्पनीको उपस्थिति थियो । तर यसपटक गोल्डन पर्लले बाजी मार्यो जसको एक किलो चियापत्ती ९९,९९९ भारुमा बिक्री भयो ।यसअघि सन् डिसेम्बरमा ‘मनोहारी गोल्ड टी’ ले गुवाहाटी टी अक्सनमा आफ्नै रेकर्ड तोडेर इतिहास रचेको थियो ।

एक किलोको रेकर्ड ९९,९९९ भारुको बोली लगाइएको थियो । त्यतिबेला गुवाहाटीस्थित थोक व्यापारी सौरभ टी ट्रेडर्सद्वारा यो खरिद गरिएको थियो । यो एक दुर्लभ किसिमको चिया हो र यसको मार्केटमा असाध्यै माग देखिएको छ भनेर तर्क प्रस्तुत गरियो ।यसअघि अघिल्लो वर्ष अगस्टमा एक किलो ‘गोल्डन निडल’ को चियापत्ती ७५,००० भारुमा बेचिएको थियो । यसै रेटमा त्यतिबेला गोल्डन बटरफ्लाईको चियापत्ती बेचिएको थियो । सन् २०१९ मा पनि लिलामीका बेला मनोहारी गोल्ड टीले रेकर्ड मूल्य पाउन सफल भएको थियो । त्यतिबेला उक्त कम्पनीको एक किलो चियापत्ती ५०,००० भारुमा बेचिएको थियो ।  एजेन्सी