सुनाखरी न्युज/ काठमाडौं ।

स्वास्थ्य तथा जनसंख्या मन्त्रालयका अनुसार नेपालमा थप १ सय ५८ जनामा कोरोना भाइरस संक्रमण पुष्टि भएको छ।

४ हजार ४ सय ५८ वटा पीसीआर परीक्षण गर्दा ९२ जना र २०४६ एन्टिजेन परीक्षण गर्दा ६६ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ।

यस्तै पछिल्लो २४ घण्टामा २ जनाको कोरोनाका कारण मृत्यु भएको छ भने उक्त अवधिमा ३ सय ५४ जना संक्रमणमुक्त भएका छन्। हाल देशभर ७ हजार ९ सय ३१ सक्रिय संक्रमित रहेका छन्।