सुनाखरी न्युज/ काठमाडौं ।

६० वर्षसम्म पनि बैंक खाता नहेरेकी एक स्कटिस महिलाले आफ्नो ३.३५ डलरको निक्षेप बढेर ३३५ डलर पुगेको पाएकी छन् । फिलिपिन्समा हुर्किएकी ७४ वर्षकी कारोल एलिसन आफू ६ वर्षको हुँदा हजुर आमासँग स्कटल्यान्डको भ्रमणमा गएकी थिइन् ।

हजुरआमाले उनलाई ट्रस्टी सेभिङ बैंकमा खाता खोल्न सहयोग गरेकी थिइन् । यो बैंकलाई हाल टीएसबीको नामले चिनिन्छ । उनको हजुरआमाको ८० वर्षको उमेरमा १९६९ मा निधन हुनु पहिले निक्षेप रहेको बैंक खाता हस्तान्तरण गरेकी थिइन् । एलिसन हाल इडिनबर्गको स्टकब्रिजको क्षेत्रमा बस्दै आएकी छन् । उनले हालै मात्र बैंक बुक फेला पारेको उनले बताइन् ।

घरको सरसफाइ गर्दाको समयमा उनले बैंक खाता रहेको बुक फेला पारेकी हुन् । उनले उक्त बुक बैंकमा लिएर गइन् र उनको खाता अझैपनि चालू अवस्थामै थियो । उनले ६ दशक भन्दा अगाडि ३.३५ डलर लगानी गरेको र हाल यो ३३५ डलर पुगेको पाएकी छन् । ‘म वास्तवमै खुसी छु र मेरी हजुरआमालाई धन्यवाद दिन चाहन्छु,’उनले भनिन् ।

यो अवधिमा सबै समय उनको निक्षेपको व्याज बढ्दै गएको बैंकका कर्मचारीहरुले बताएका छन् । एलिसनले अन्य दुई बैंकहरुको पनि बुक खोजिरहेको र थप अनपेक्षित हुन सक्ने उनको आशा छ । अन्य दुई बैंकमा पनि कति जम्मा भएको छ भनेर आफुलाई कौतुहल लागिपरेको उनले बताइन् । एजेन्सी