सुनाखरी न्युज/ काठमाडौं आगामी २०७९ साल बैसाख ७ देखि १२ गते सम्म काठमाडौंको भृकुटीमण्डपमा आयोजना हुने आइएमइ पे क्यान इन्फोटेक २०२२ इन एसोसियसन विथ एससिटी स्मार्ट क्युआरको असी प्रतिशत स्टल बुकिङ्ग पुरा भएको छ।

 

सूचना तथा संचार प्रविधि र मनोरञ्जन सम्बन्धी देशको एकमात्र प्रदर्शनीको यो २७ औं संस्करण यस अघि कोविड १९ तथा सोहि सम्बन्धि नेपाल सरकारका निर्णयहरु लाई ध्यान मा राख्दै २ पटक स्थगित भएको एवं विगतमा सबै प्रदेशमा आयोजना हुने प्रदर्शनी यो पटक काठमाण्डौंमा मात्र हुने भएको छ ।गत वर्षप्र दर्शनी आयोजना हुन नसकेका कारण पनि यो पटक प्रदर्शकहरु एवं सम्बन्धित सरोकारवालाहरु मा उत्साह देखिएको छ। यो पटकको इन्फोटेकमा ब्राण्डिङ, आइसिटी एक्ससरिज, गेमपार्लर, प्रडक्ट लञ्चिङ, रोबोटिक्स, इ–वेष्टम्यानेजमेण्ट, वाइफाइ, इण्टरनेट, लर्निङसेन्टर, देशभित्रका स्टार्टअप, मोवाइल, आइटी कलेज र नवीनतम सोचमा आधारित रहेर सुचना प्रविधिको क्षेत्रमा अध्ययनरत बिद्यार्थीद्वारा निर्मित प्रोजेक्ट तथा रोजगार केन्द्र मुख्य आकर्षण हुने देखिएको छ।

 

स्टल बुकिङ्गका आधारमा प्रदर्शकहरुले विश्वबजारमा हाल सालै आएका एवं उपलब्ध नवीनतम प्रविधीका साथ साथै अपरेटिङ सिस्टम सफ्टवेयर, नेटवर्किङ सोल्युशन, मोबाइल फोन तथा एक्सेसरिज, इलेक्ट्रिकल तथा इलेक्ट्रोनिक्स, सेक्युरिटि सोल्युशन, सोलार पावर सिस्टम, इन्भर्टर, युपीएस, ल्यापटप तथा डेस्कटपक म्प्युटर, प्रिण्टर, पावर सिस्टम, कम्प्युटर एक्सेसरिज, एण्टिभाइरस सफ्टवेयर, बैंकिङ सोल्युशन, सीसीटीभी र हार्ड डिस्क जस्ता उत्पादनहरुका पछिला संस्करणहरु प्रदर्शनीमा राख्ने बताएका छन्। त्यसैगरी, आर्टी्फिसियल ईन्टेलिजेन्स सम्बन्धि जानकारी, सुचना प्रविधिमा आधारित कलेज, बैंक, बीमा तथा लेखा सम्बन्धी सफ्टवेयर, सरकारी क्षेत्रमा प्रयोगमा आएका तथा आउने सफ्टवेयर, सेल्फ लर्निङ सफट्वेयर तथा ट्युटोरियल आदि पनि प्रर्दशनीमा रहने गरि प्रदर्शकहरुले तयारी गरेका छन।

२७ औं क्यान इन्फोटेकको शीर्ष प्रायोजन आइएमइ पे, एसोसिएट प्रायोजकमा एससिटी स्मार्ट क्यु आर तथा टिकट पार्टनरमा आइएमइ पेले प्रायोजन गरेको छ भने प्लाटिनम प्रायोजन वर्ल्डलिङ्क कम्युनिकेसन डायमण्ड प्रायोजन डिस होम फाइवरनेट, सिल्भर प्रायोजनमा एस पावर, नमस्ते पे, डिजिकम र ब्रोडवे इन्फोसिसले गरेको छ भने इन्नोवेसन पार्टनर सनवे बिजनेस सकूल, एकेडेमिक पार्टनर सफ्टवेरिका कलेज, डिजिटल डिस्प्ले पार्टनर अल्ट्रा लेड, भर्चुअल प्रदर्शनी पार्टनरमण्डला सिस्टम, फुड एण्ड बेभरेज पार्टनर रेवान रहेको उक्त प्रदर्शनीलाई संचार तथा सुचना प्रविधी मन्त्रालय, सूचना प्रविधी विभाग, नेपाल दुरसंचार प्राधिकरण, नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्स, सुविसु केवलनेट, भायानेट, नेपाल मोवाइल डिस्ट्रिव्युटर एसोसियसनको तथा WITSA एवं ASOCIO जस्ता अन्तराष्ट्रिय संस्थाको पनि सहयोग रहेको छ।

 

नेपालमा सूचना तथा सञ्चार प्रविधि आईसीटी बारे चेतना बढाउन, उद्योग तथा उद्यमीको आवश्यकता थाहा पाउन र त्यसका लागि चाहिने सहयोग दिलाउन सन १९९५ देखि बर्षेनी आयोजना हुदैं आएको क्यान इन्फोटेकको २७ औं संस्करण ६ दिन सम्म संचालन हुने गरी २०७९ साल वैशाख ७ गते देखि १२ गते सम्म आयोजना गरिन लागे को हो। यसले व्यवसायी तथा ग्राहकका लागि अन्तक्रियाको एक प्लाटफर्म सिर्जना गर्नेछ। प्रर्दशनी लाई व्यवसायीहरूले व्यापार विस्तारका साथै नयाँ–नयाँ प्रविधिको प्रदर्शनी गर्ने थलोका रूपमा उपयोग गर्न सक्ने छन्भने अवलोकनकर्ताले एकै थलोमा सूचना तथा सञ्चार प्रविधिका नौला प्रविधि र उपकरणको अवलोकन तथा खरिद गर्न पाउने छन्।