सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नेपालमा ८३ जना कोरोना संक्रमित थपिएका छन् ।

२४ घण्टामा आरटी पीसीआर परिक्षण गर्दा ५७ जना र एन्टिजन परिक्षण गर्दा २६ जना गरि जम्मा ८३ जना नयाँ कोरोना भाईरसको संक्रमित थपिएका हुन् । उक्त अवधिमा १ सय ३० जना कोरोनामुक्त भएका छन् । भने पछिल्लो २४ घण्टामा मृतकको संख्या शुन्य रहेको छ ।

पछिल्लो २४ घण्टामा ७ हजार ८ सय ८४ जनाले कोरोना परिक्षण गरेका थिए भने एक लाख ३ हजार ५ सय ३८ जनाले खोप लगाएका थिए । हाल सक्रिय संक्रमितको संख्या ४ हजार ७ सय ४६ जना रहका छन् ।