सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप ५१ जनामा कोरोना भाइरस संक्रमण पुष्टि भएको छ। २ हजार ५ सय ९२ जनाको पीसीआर परीक्षण गर्दा १२ जना र ३ हजार ३ सय २२ जनाको एन्टीजेन परीक्षण गर्दा ३९ जना गरी ५१ जनामा संक्रमण पुष्टि भएको हो ।

पछिल्लो २४ घण्टामा ३ सय ९२ जना कोरोना संक्रमणमुक्त भएका छन् भने हाल ३ हजार ९ सय ९६ जना संक्रिय संक्रमित रहेका छन् ।उक्त अवधिमा शुक्रबार पनि कसैको मृत्यु नभएको मन्त्रालयले जनाएको हो।

यस्तै शुक्रबार थपिएसँगै नेपालमा कोरोना भाइरस संक्रमितको कुल संख्या ११ लाख १८ हजार १ सय ८० पुगेको छ । योसँगै नेपालमा कोरोना भाइरस संक्रमणको कारण मृत्‍यु हुनेको संख्या जम्मा ११ हजार ९ सय ५० पुगेको छ भने ९ लाख ६२ हजार १ सय ७३ जना संक्रमणमुक्त भएका छन् ।