सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप २१ जनामा कोरोना भाइरस संक्रमण पुष्टि भएको छ भने उक्त अवधिमा कसैको पनि मृत्यु नभएको मन्त्रालयले जनाएको हो ।

५ हजार १ सय ५२ जनाको पीसीआर परीक्षणमा ११ जना र १ हजार १ सय ५७ जनाको एन्टीजेन परीक्षणमा ६ जना गरी २१ जनामा कोरोना भाइरस संक्रमण पुष्टि भएको हो । त्यस्तै, पछिल्लो २४ घण्टामा कोरोनाबाट ३ सय १९ जना निको भएका छन् भने हाल देशभर १ हजार २ सय ५४ जना सक्रिय संक्रमित रहेका छन् ।

जसमध्‍ये १ हजार २ सय ६ जना होम आइसोलेसनमा रहेका छन् भने ४८ जना संस्थागत आइसोलेसनमा रहेका छन् । कोरोनाका बिरामीमध्ये २३ जना आईसीयू र ३ जना भेन्टिलेटरमा उपचाररत् छन् । सोमबार थपिएसँगै नेपालमा कोरोना संक्रमितको कुल संख्या ११ लाख १८ हजार ४ सय ६६ पुगेको छ भने मृत्‍यु हुनेको संख्या जम्मा ११ हजार ९ सय ५१ पुगेको छ त्यस्तै ९ लाख ६५ हजार १ सय ४२ जना कोरोना भाइरस बाट संक्रमणमुक्त भएका छन् ।