सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप २२ जनामा कोरोना भाइरस संक्रमण पुष्टि भएको छ भने उक्त अबधिमा कसैको पनि मृत्यु नभएको मन्त्रालयले जानकारी दिएको हो ।

३ हजार ९ सय ७२ जनाको पीसीआर परीक्षण गर्दामा २२ जना र १ हजार १ सय ७२ जनाको एन्टीजेन परीक्षण गर्दा ० जना गरी २२ जनामा संक्रमण पुष्टि भएको हो । पछिल्लो २४ घण्टामा कोरोनाबाट ४६ जना निको भएका छन् भने हाल देशभर ५ सय ६८ जना सक्रिय संक्रमित रहेका छन् ।

यस्तै सोमबार थपिएसँगै नेपालमा कोरोना संक्रमितको कुल संख्या ११ लाख १८ हजार ७३३ पुगेको छ । योसँगै नेपालामा कोरोनाबाट मृत्यु हुनेको सङ्ख्या ११ हजार ९५१ पुगेको छ भने ९ लाख ६६ हजार ७४ जना संक्रमणमुक्त भएका छन् ।