सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर २६ जना नयाँ संक्रमित थपिएका छन् ।

पछिल्लो २४ घण्टामा ४ हजार ७८ जनाको आरटी–पीसीआर र एन्टिजेन विधिबाट परीक्षण गर्दा २६ जनामा कोरोना संक्रमण पुष्टि भएको हो । २ हजार ८ सय ६६ जनाको आरटी–पीसीआर विधिबाट परीक्षण गर्दा २३ जना र १ हजार २ सय १२ जनाको एन्टिजेन विधिबाट परीक्षण गर्दा थप ३ जनामा संक्रमण देखिएको हो ।

उक्त अवधिमा मृत्यु हुनेको सङ्ख्या शुन्य रहेको मन्त्रालयले जनाएको हो ।योसँगै नेपालमा कोरोना संक्रमितको कुल संख्या ११ लाख १८ हजार ७ सय ६९ पुगेको छ । हाल नेपालमा ५ सय ५४ जना सक्रिय संक्रमितहरुका रहेका छन् ।

कोरोना भाइरसको संक्रमणबाट पछिल्लो २४ घण्टामा देशभर ३७ जना निको भएका छन् । योसँगै नेपालमा कोरोना संक्रमणमुक्त हुनेहरुको संख्या ९ लाख ६६ हजार १ सय ११ पुगेको छ ।