सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप १४ जनामा कोरोना भाइरस संक्रमण पुष्टि भएको छ भने उक्त अवधिमा कसैको पनि मृत्यु नभएको मन्त्रालयले जानकारी दिएको हो ।

३ हजार ३० जनाको पीसीआर परीक्षणमा १४ जना र ८ सय ७३ जनाको एन्टीजेन परीक्षणमा ० जना गरी १४ जनामा संक्रमण पुष्टि भएको हो । पछिल्लो २४ घण्टामा कोरोनाबाट ५५ जना निको भएका छन् भने हाल देशभर १ हजार ४ सय ३८ जना सक्रिय संक्रमित रहेका छन् ।

शुक्रबार थपिएसँगै नेपालमा कोरोना संक्रमितको कुल संख्या ११ लाख १८ हजार ८ सय ६ पुगेको छ । योसँगै नेपालमा कोरोना भाईरसको सङ्क्रमणबाट मृत्यु हुनेको जम्मा सङ्ख्या ११ हजार ९ सय ५१ पुगेको छ भने ९ लाख ६६ हजार २ सय ५९ जना संक्रमणमुक्त भएका छन् ।