सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप १२ जनामा कोरोना भाइरस संक्रमण पुष्टि भएको छ भने उक्त २४ घण्टामा कसैको पनि मृत्यु नभएको मन्त्रालयले जानकारी दिएको हो ।

२ हजार ७ सय ५० जनाको पीसीआर परीक्षणमा ११ जना र ७ सय ३९ जनाको एन्टीजेन परीक्षणमा १ जना गरी १२ जनामा संक्रमण पुष्टि भएको हो । पछिल्लो २४ घण्टामा कोरोनाबाट ३६ जना निको भएका छन् भने हाल देशभर ३ सय ७५ जना सक्रिय संक्रमित रहेका छन् ।

आइतबार थपिएसँगै नेपालमा कोरोना संक्रमितको कुल संख्या ११ लाख १८ हजार ८ सय २७ पुगेको छ । योसँगै नेपालमा भाईरसको सङ्क्रमणका कारण मृत्यु हुनेको संख्या ११ हजार ९ सय ५१ पुगेको छ भने ९ लाख ६६ हजार ३ सय ३९ जना संक्रमणमुक्त भएका छन् ।