सिन्धुपाल्चोक जिल्लाको लिसंखु पाखर गाउँपालिकाको अध्यक्ष पदमा दिपक प्रसाद उप्रेती उम्मेदवार
Posted on:
सुनाखरी न्युज/ काठमाडौँ । विवेकशील साझा पार्टीले सिन्धुपाल्चोक जिल्लाको लिसंखु पाखर गाउँपालिकाको अध्यक्ष पदमा दिपक प्रसाद उप्रेतीलाई अगाडी सारेको छ।
लिसंखु पाखर गाउँपालिका वडा नं. ३ का स्थायी बासिन्दा दिपक प्रसाद उप्रेती विवेकशील साझा पार्टीको केन्द्रीय सदस्य हुनुहुन्छ। २०५९ सालमा बुद्धोदय उच्च माध्यमिक विद्यालय लिसंखुबाट एस. एल. सी. उत्तीर्ण गर्नुभएका ३५ वर्षीय उप्रेतीले सप्लाइ चेन म्यानेजमेन्टमा स्नातकोत्तर (एमबिए) गर्नुभएको छ। उप्रेतीले कतार, युएई, कुवेत जस्ता द्रुत गतिमा विकास गरिरहेका देशका बहुराष्ट्रिय कम्पनीहरूबाट व्यवस्थापकीय तहमा १३ वर्ष भन्दा लामो कार्य अनुभव हासिल गर्नुभएको छ।
नेपाल फर्कौँ महाअभियानका एक अभियन्ता र NIRI Nepal का संस्थापक समेत रहनुभएका उप्रेती पार्टीको केन्द्रीय कार्यालय व्यवस्थापन प्रमुख र प्रशासनिक तथा अर्थ व्यवस्थापन समितिको सभापतिको जिम्मेवारीमा समेत रहनु भएकोछ। लिसंखु पाखर गाउँपालिकाको विकास र संवृद्धिको लागि पार्टीको प्रतिज्ञा पत्र इमेल साथ संलग्न गरिएको छ।
