सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप १५ जनामा कोरोना भाइरस संक्रमण पुष्टि भएको छ भने उक्त अवधिमा कसैको पनि मृत्यु नभएको मन्त्रालयले जानकारी दिएको हो।

४ हजार ८ सय २२ जनाको पीसीआर परीक्षणमा १५ जना र ९ सय ९३ जनाको एन्टीजेन परीक्षणमा ० जना गरी १५ जनामा संक्रमण पुष्टि भएको हो ।
पछिल्लो २४ घण्टामा कोरोनाबाट १८ जना निको भएका छन् भने हाल देशभर २ सय ४९ जना सक्रिय संक्रमित रहेका छन् । विहीबार थपिएसँगै नेपालमा कोरोना संक्रमितको कुल संख्या ११ लाख १८ हजार ९ सय ८१ पुगेको छ ।

योसँगै नेपाल कोरोना सङ्क्रमणबाट मृत्यु हुनेको जम्मा सङ्ख्या ११ हजार ९ सय ५१ पुगेको छ भने ९ लाख ६६ हजार ५ सय ९३ जना संक्रमणमुक्त भएका छन् ।