सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप १७ जनामा कोरोना भाइरस संक्रमण पुष्टि भएको छ भने उक्त अवधिमा कसैको पनि मृत्यु नभएको मन्त्रालयले जानकारी दिएको हो ।

२ हजार ३ सय ३६ जनाको पीसीआर परीक्षणमा १५ जना र १ हजार ४ सय ३५ जनाको एन्टीजेन परीक्षणमा २ जना गरी १ सय १७ जनामा संक्रमण पुष्टि भएको हो । त्यस्तै, पछिल्लो २४ घण्टामा कोरोना भाइरसबाट १५ जना निको भएका छन् भने हाल देशभर २ सय १७ जना सक्रिय संक्रमित रहेका छन् ।

जसमध्‍ये २ सय १६ होम आइसोलेसनमा र १ जना संस्थागत आइसोलेसनमा रहेका छन् । बिहीबार थपिएसँगै नेपालमा कोरोना भाइरसबाट संक्रमितको कुल संख्या ११ लाख १९ हजार ९७ पुगेको छ भने यो सँगै नेपाल कोरोनाबाट मृत्‍यु हुनेको जम्मा संख्या ११ हजार ९ सय ५२ पुगेको छ भने ९ लाख ६६ हजार ७ सय ३० जना संक्रमणमुक्त भएका छन् ।