सुनाखरी न्युज/ काठमाडौं –

बुद्ध एयरको जहाजको टायरमा केही प्राविधिक समस्या देखिएपछि उडान भरेको केही समयमै पुनः काठमाडौं विमानस्थलमै फर्काएर सुरक्षित अवतरण गरिएको छ। जहाज काठमाडौं विमानस्थलमै फर्काएर सुरक्षित अवतरण गरिएको बुद्ध एयरका प्रवक्ता दीपन्द्र कर्णले जानकारी दिए।

भद्रपुर उडेको ९५३ उडान नम्बरको जहाजलाई तत्कालै फिर्ता बोलाएर काठमाडौंमा सुरक्षित अवतरण गरेका छौ’, कर्णले भने, ‘अहिले हाम्रो प्राविधिक टोलीले जहाजको निरीक्षण गरिरहेको छ।’ ६९ यात्रु लिएर भद्रपुर जान लागेको उक्त जहाजमा समस्या आएपछि बुद्ध एयरकै अर्को जहाजबाट सबै यात्रुलाई पठाइएको कर्णले जानकारी दिए।

हवाईजहाजको टायरको केही भाग धावनमार्गमा भेटिएपछि जहाज काठमाडौं फिर्ता बोलाइए पनि त्यही जहाजको हो होइन, अनुसन्धान भइरहेको उनले बताए।उक्त विमानमा अनुमानित ७३ जना यात्रु रहेको जानकारी दिए ।