सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार देशभर थप १५ जनामा कोरोना संक्रमण पुष्टि भएको मन्त्रालयले जनाएको हो ।

पछिल्लो २४ घण्टामा ४ हजार ८ सय ४२ जनाको आरटी पीसीआर र एन्टिजेन विधिबाट परीक्षण गर्दा थप १५ जनामा कोरोना संक्रमण पुष्टि भएको हो । ३ हजार ९ सय २९ जनाको पीसीआर विधिबाट परीक्षण गर्दा १२ जना र ९ सय १३ जनाको एन्टिजेन विधिबाट परीक्षण गर्दा ३ जनामा संक्रमण पुष्टि भएको मन्त्रालयले जनाएको छ ।

त्यस्तै,नेपालमा कोरोना संक्रमितहरुको कुल संख्या ११ लाख १९ हजार ३ सय ९१ पुगेको छ । पछिल्लो २४ घण्टामा ११ जना संक्रमितहरु कोरोनामुक्त भएका छन् । योसँगै नेपालमा कोरोनामुक्त हुनेहरुको संख्या ९ लाख ६७ हजार १सय २ पुगेको छ ।