सुनाखरी न्युज/ काठमाडौ । रियलमी विश्वमा सबैभन्दा छिटो अघि बढिरहेको स्मार्टफोन ब्रान्डले आज २०२२ का दुई सबैभन्दा रोमाञ्चक स्मार्टफोनहरुको सार्वजनिक मिति घोषणा गरेको छ।

 

विश्वको सबैभन्दा छिटो चार्ज हुने स्मार्टफोन रियलमी जीटी नियो ३ सँगै सबैभन्दा प्रिमियम फ्लागिशिप रियलमी जीटी २ प्रो पनि ल्याउन लागेको हो। रियलमीले गत वर्ष सार्वजनिक भएको रियलमी जीटी नियो २ प्रोको सफलतापछि रियलमी जीटी ३ प्रो सार्वजनिक गर्न लागेको हो। जीटी नियो ३ विश्वको र नेपालको सबैभन्दा छिटो चार्ज हुने स्मार्टफोन हुनेछ। १५० वाट अल्ट्रा डार्ट चार्जले मात्र ५ मिनेटमा ०–५०% चार्ज गर्छ। जीटी नियो ३ को साथसाथै रियलमी जीटी २ प्रोे पनि आफ्नो नविनता र उत्कृष्टता झल्काउँदै सार्वजनिक हुनेछ।

 

रियलमी जीटी नियो ३

आधुनिक जीवनका साथमा हालका प्रयोगकर्तासँग स्मार्टफोनका सुविधाहरुमा उच्च स्तरको शक्ति, नियन्त्रण र प्रदर्शन छ। यसले प्रयोगकर्तालाई एकै समयमा सक्रिय रुपमा धेरै कार्य गर्न र उनीहरुको दैनिक तालिका नियन्त्रण गर्न सक्षम बनाउँछन्। यी आवश्यकताबारे ग्राहकको गहिरो बुझाइका साथ जीटी नियो मिडिया टेक डाइमेन्सिटी ८१०० मोबाइल प्लाटफर्म सँगसँगै स्वतन्त्र डिस्प्ले चिप र अल्ट्राडार्ट १५० वाट फास्ट चार्जिङ प्रविधिसहित सुसज्जित छ।

 

अल्ट्रा–डार्ट १५० वाट फास्ट चार्जिङ (५ मिनेटमा ०–५०%)

यो फोनमा १५० वाट फास्ट चार्जिङलाई सपोर्ट गर्ने ४,५०० एमएएच ब्याट्री छ। फास्ट चार्ज गर्ने प्रविधिलाई सुरक्षा र सुविधाहरुको धेरै तहहरु ब्याकअप गरिएको छ र टीयूभी राईनल्याण्ड सेफ फास्ट चार्जिङ द्वारा प्रमाणित छ। रियलमीले १६०० चार्ज साइकल पछि ब्याट्रीले आफ्नो मूल क्षमताको ८०% राख्ने दाबी गरेको छ। धेरैजसो प्रतिस्पर्धाले ८०० चार्ज चक्र पछि ८०% ब्याट्री क्षमताको दाबी गर्दछ। यसले सुस्त चार्जिङ गति प्रदान गर्दछ।

 

रियलमी जीटी नियो २, ६ महिना पहिले ६०० हर्ज टच प्रतिक्रिया रेट प्रदान गर्ने पहिलो फोनहरुमध्ये एक थियो। नयाँ जीटी ३ ले आफ्ना प्रयोगकर्तालाई उच्च प्रतिक्रिया दिनका लागि १००० हर्ज (जीटी मोडमा) बढाउँछ। यो १२० हर्ज रिफ्रेस रेटको साथ ६.७ इन्च एफएचडी अमोल्ड डिस्प्ले हो।

आई–पपिङ फ्लागशिप पफर्मर, मिडियाटेक डाईमन्सिटी ८१०० ५जी SoC १२ जिबी र्याम २५६ जिबी स्टोरेजको साथ जोडिनेछ। रियलमी जीटी नियो ३ ले OIS सँग ५० एमपी सोनी IMX766 प्राइमरी सेन्सर, ८ एमपी अल्ट्रा–वाइड लेन्स र पछाडी २ एमपी म्याक्रो सेन्सर फिचर गर्नेछ साथै फ्रन्टमा सेल्फी भिडियो कलहरुको लागि १६ एमपी क्यामेरा हुनेछ।

 

रियलमी जीटी २ प्रो

सधैँझैँ रियलमीको अथक प्राविधिक र डिजाईनहरु छिटो वृद्विको आधारशिला भएका छन्। रियलमी जीटी २ प्रोमा, रियलमीले विश्वको पहिलो तीन परिचय दिएको छ : बायो–पोलिमर सामग्रीबाट बनेको ब्याक कभर, १५० डिग्री अल्ट्रा–वाईड क्यामेरा, र्र रियलमीको ईनोभेसन फवार्ड कम्युनिकेसन’ रहेका छन्। प्रिमियम अनुभूति दिनको लागि, रियलमी जीटी २ सिरीज ‘नाओतो फुकासावासँग’ डिजाइन गरिएको हो जसले विशिष्ट पेपर टेक मास्टर डिजाईन र बायो– पोलिमर सामग्रीको साथ युवाहरुलाई आकर्षित गर्दछ।

 

नयाँ पुस्ताको आवश्यकतालाई सम्बोधन गर्दै रियलमीले फोनहरुलाई अब सञ्चार उपकरणमात्र नभएर तिनीहरुले दिगोपनप्रति जेन जेडको मनोवृत्तिलाई प्रतिनिधित्व गर्दछ। यसबाहेक, अहिलेसम्मकै सबैभन्दा प्रिमियम फ्लागशिपको रुपमा, रियलमी जीटी २ प्रो स्नापड्रागन ८ जेन १ सँग आउनेछ र यसले नेपाली प्रयोगकर्ताहरुलाई नयाँ हाई–ईन्ड अनुभव प्रदान गर्ने आशामा थप रोमाञ्चक विशेषताहरु ल्याउनेछ।