सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप ३४ जनामा कोरोना भाइरस संक्रमण पुष्टि भएको छ भने उक्त अवधिमा कसैको पनि मृत्यु नभएको मन्त्रालयले जानकारी दिएको हो ।

२ हजार २ सय ३४ जनाको पीसीआर परीक्षणमा २४ जना र १ हजार ३ सय ७६ जनाको एन्टीजेन परीक्षणमा १० जना गरी ३४ जनामा कोरोना संक्रमण पुष्टि भएको हो । पछिल्लो २४ घण्टामा कोरोनाबाट १५ जना निको भएका छन् भने हाल देशभर जम्मा १ सय ४ जना सक्रिय संक्रमित रहेका छन् ।

जसमध्‍ये १सय २ जना होम आइसोलेसनमा रहेका छन् भने २ जना संस्थागत आइसोलेशनमा बसेका छन् । आज शुक्रबार थपिएसँगै नेपालमा कोरोना संक्रमितको कुल संख्या ११ लाख १९ हजार ७ सय २ पुगेको छ ।

योसँगै नेपालमा कोरोनाबाट मृत्‍यु हुनेको संख्या ११ हजार ९ सय ५२ पुगेको छ भने ९ लाख ६७ हजार २ सय ७७ जना संक्रमणमुक्त भएका छन् ।