सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप २८ जनामा कोरोना भाइरस संक्रमण पुष्टि भएको छ भने उक्त अवधिमा कसैको पनि मृत्यु नभएको मन्त्रालयले जानकारी दिएको हो ।

१ हजार ८ सय ६२ जनाको पीसीआर परीक्षणमा २० जना र २ हजार ५२ जनाको एन्टीजेन परीक्षणमा ८ जना गरी २८ जनामा संक्रमण पुष्टि भएको हो ।
पछिल्लो २४ घण्टामा कोरोनाबाट १० जना निको भएका छन् भने हाल देशभर १ सय २० जना सक्रिय संक्रमित रहेका छन् ।

सोमबार थपिएसँगै नेपालमा कोरोना भाइरस संक्रमितको जम्मा संख्या ११ लाख १९ हजार ७ सय ६७ पुगेको छ । त्यस्तै, योसँगै नेपालमा कोरोनाबाट ज्यान गुमाउनेको जम्मा संख्या ११ हजार ९ सय ५२ पुगेको छ भने ९ लाख ६७ हजार ३ सय १० जना कोरोन संक्रमणमुक्त भएका छन् ।