गोविन्द तिमिल्सिना/ हेमजा । विभागीय टोली सशत्र प्रहरी बलको एपिएफलाई ४–१ गोलले हराउँदै फुटबल क्लब डाउला छैटौं नेपाल आइस अन्तर्राष्ट्रिय हेमजा गोल्डकप आमन्त्रित नकआउट फुटबल प्रतियोगिताको सेमिफाइनलमा प्रवेश गरेको छ ।

हेम्जा युनाइटेको आयोजनामा जारी फुटबल प्रतियोगिता अन्तरगतको अन्तिम क्वाटरफाइनल खेलमा एपिएफलाई हराउँदै सेमिफाइनलमा चर्च ब्वाइजसंगको भेट पक्का गरेको हो । फुटबल क्लब डाउलाको तर्फबाट खेलको २७ औं मिनेटमा जर्सि न. ११ का सामेसामेले गोल गरे । पहिलो हाफमा थप गरिएको अतिरिक्त समयमा फ्रेडेरिकले उत्कृष्ट गोल गर्दै अग्रता दोब्बर पारे । त्यस्तै खेलको ८६ र ९३ मिनेटमा बिल्लेले २ गोल गरेका थिए । विभागीय टोली सशत्र प्रहरी बलको एपिएफले अन्तिम थपिएको समयमामा सबिन थापाले सान्तोना गोल गर्न सफल भएका थिए । खेलको म्यान अफ दि म्याच २ गोल गर्न सफल बिल्ले घोषित भए ।

प्रतियोगिता अन्तरगत बुधवार पहिलो सेमिफाइनल खेलमा आयोजक हेम्जा युनाइटेड र खुमलटारबीच हुँदैछ भने विहिबार दोस्रो सेमिफाइनल खेल फुटबल क्लब डाउला र चर्च ब्वाइज क्लबबीच हुँदैछ ।