सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप ४३ जनामा कोरोना भाइरस संक्रमण पुष्टि भएको छ भने उक्त अवधिमा कसैको पनि मृत्यु नभएको मन्त्रालयले जानकारी दिएको हो ।

१ हजार ८ सय ५२ जनाको पीसीआर परीक्षणमा ३२ जना र १ हजार ७ सय ३ जनाको एन्टीजेन परीक्षणमा ११ जना गरी ४३ जनामा संक्रमण पुष्टि भएको हो । पछिल्लो २४ घण्टामा कोरोनाबाट १४ जना निको भएका छन् भने हाल देशभर १ सय ८१ जना सक्रिय संक्रमित रहेका छन् । त्यस्तै, भाईरसका कारण १ जना विरामीको भेन्टिलेटरमा उपचार भइरको मन्त्रालयले जनाएको छ ।

शुक्रबार थपिएसँगै नेपालमा कोरोना संक्रमितको जम्मा संख्या ११ लाख १९ हजार ९ सय ९ पुगेको मन्त्रालयले जानकारी दिएको हो । योसँगै नेपालमा कोरोनाका कारण मृत्‍यु हुनेको संख्या ११ हजार ९ सय ५२ पुगेको छ भने ९ लाख ६७ हजार ३ सय ५६ जना संक्रमणमुक्त भएका छन् ।