सुनाखरी न्युज/ धनकुटा । धनकुटा नगरपालिका – ६ मा रहेको एग्रो टुरिजम एण्ड फन भ्याली प्रा.लि.को क्षेत्र भित्र रहेको पोखरीमा पौडी खेल्ने क्रममा डुबेर स्थानीय २ जना बालकको मृत्यु भएको छ ।

शनिवार दिउँसो उक्त पोखरीमा पौडी खेल्न गएका स्थानीय दिल बहादुर राईको १४ बर्षीय छोरा उदय राई र धनकुटा नगरपालिका-५ का बिजय राईको १५ बर्षीय छोरा सोनिम राई पौडी खेल्ने क्रममा डुबेर घाईते भएका थिए ।

घाईते भएका दुबै जनालाई उपचारको लागी जिल्ला अस्पताल धनकुटा लगिएकोमा उपचारको क्रममा मृत्यु भएको तथा घटना सम्बन्धमा थप अनुसन्धान भईरहेको जिल्ला प्रहरी कार्यालय धनकुटाले जनाएको छ ।