शिव दुवाडी/ काठमाडौं ।

प्रधानमन्त्री शेरबहादुर देउवाले संसदबाट नै नागरिक सर्वोच्चता कायम भएको बताउनुभएको छ । पूर्वसांसद मञ्चले काठमाडौंमा बिहीबार आयोजना गरेको कार्यक्रममा प्रधानमन्त्री देउवाले संसद लोकतान्त्रिक प्रणालीको आधार स्तम्भ भएकोसमेत बताउनुभएको छ ।

‘संसदबाट नै नागरिक सर्वोच्चता कायम भएको इतिहास छ,’ प्रधानमन्त्रीले भन्नुभयो, ‘संसद लोकतान्त्रिक प्रणालीको आधार स्तम्भ हो ।’प्रधानमन्त्रीले संघीय र प्रदेश निर्वाचन समयमै हुने बताउँदै निर्वाचन शान्तिपूर्ण हुने विश्वाससमेत दिलाउनुभएको हो । उहाँले आवधिक निर्वाचनप्रति सरकारको प्रतिबद्धता दोहोर्‍याउनुभयो ।

प्रधानमन्त्रीले लोकतान्त्रिक संसदीय प्रणाली आगामी दिनमा थप मजबुत हुनेसमेत उल्लेख गर्नुभयो ।