सुनाखरी न्युज/ काठमाडौं । ग्लोबल टेक्नोलोजी लिडर शाओमीले रेड्मी नोट ११ प्रो नेपाली बजारमा सार्वजनिक गरेको छ। रेड्मी नोट ११ प्रो मा किफायती मूल्यमा उत्कृष्ट क्यामेरा र छिटो चार्ज हुने ब्याट्री रहेको कम्पनिले घोषणा गरेको छ। स्मार्टफोनको बजारमा हुने चुनौतीलाई मध्यनजर गर्दै सस्तो दरमा उत्कृष्ट उत्पादन प्रदान गर्ने लक्ष्यका साथ शाओमीले रेड्मी नोट ११ प्रो लन्च गरेको हो।

 

लन्चको बारेमा बोल्दै शाओमी नेपालका कन्ट्री जेनेरल म्यानेजर अमित कुमार पंडाले भने, “शाओमीले स्मार्टफोनहरूको सन्दर्भमा आफ्नो सिमा फराकिलो पार्दै विस्तृत दायराको साथ औधोगिक बेन्चमार्कहरू पार गरेको छ । ग्राहकको रेडमी प्रतिको विश्वासले हामीलाई नवीनताको सन्दर्भमा उच्च मापदण्डहरू स्थापित गरि रेडमी सिरिजलाई देशमा सर्वाधिक बिक्री हुने स्मार्टफोन सिरिज बनाएको छ । हामीले क्यामेरा, उच्च रिजोल्युसन डिस्प्ले, उच्च कार्यसम्पादन र पावर–प्याक ब्याट्रीको साथ रेड्मी नोट ११ प्रो बजारमा ल्याएका छौँ ।“

उत्कृष्ट फोटोग्राफी प्रदान गर्न फ्ल्यागशिप–स्तरको108MP क्वाड क्यामेरा

क्यामेराको सन्दर्भमा रेड्मी नोट ११ प्रो मा रहेको रियर क्वाड क्यामेरा सेटअपले बिना कुनै सम्झौता उत्कृष्ट फोटोग्राफी अनुभव प्रदान गर्दछ ।

 

हाई– रेजोल्युसन र आश्चर्यजनक रंगहरूमा फोटोहरू क्याप्चर गर्नको लागि 108MP मेन क्यामेरा, 8 MP अल्ट्रा–वाइड–एंगल क्यामेरा, 118–डिग्री भ्युइङ्ग एंगल, 2 MP म्याक्रो क्यामेरा, 2 MP को देप्थ क्यामेरा र 16 MP को फ्रन्ट क्यामेरा यस फोनमा समावेश गरिएको छ। जस्तोसुकै प्रकाशको अवस्था, विशेष गरी मधुरो प्रकाशमा अविश्वसनीय फोटो खिच्नको लागि 108 MP प्रो–ग्रेडको मेन क्यामेरामा Samsung HM2, 1/1.52 इन्चको ठूलो सेन्सर साइजको साथ 9–in–1 पिक्सेल बिनिङ टेक्नोलोजीको साथसाथै डुअल नेटिभ ISO समर्थन गर्दछ ।

 

67W टर्बो चार्जिङ र MediaTek Helio G96 द्वारा संचालित

रेड्मी नोट ११ प्रोमा पावर अपको लागि MediaTek Helio G96 प्रोसेसर रहेको छ भने यसको फ्ल्यागशिप 67W टर्बो चार्जिङले यसको 5000mAh उच्च क्षमताको ब्याट्री १५ मिनेटमै ५१% सम्म चार्ज गरिदिन्छ ।

ट्रेंडी फ्ल्याट–एज डिजाइनमा 120Hz FHD± AMOLED डटडिस्प्ले

2o Hz डिस्प्ले रिफ्रेस रेटको साथ 6.67” FHD± AMOLED DotDisplay को साथ रेड्मी नोट ११ प्रो ले स्मूथ स्क्रोलिङ र ल्याग–फ्री ट्रान्जिसन सुनिश्चित गर्दछ । ट्रेंडी फ्ल्याट–एज डिजाइनको डिस्प्लेको साथै, यसमा रहेको डुअल सुपर लिनियर स्पिकरहरूको साथमा, रेड्मी नोट ११ प्रोले गेमिङ वा भिडियोहरू हेर्नको लागि इमर्सिभ स्टेरियो साउन्ड प्रदान गर्दछ ।

 

ग्रेफाइट ग्रे, पोलर ह्वाइट, स्टार ब्लू गरि तीन रंगहरूमा उपलब्द यी फोन 6GB+128GB and 8GB+128GB गरि दुइवटा स्टोरेज भेरियन्टमा उपलब्ध छन् जसको मूल्य क्रमशः ३४,९९९ रूपैयाँ र ३६,९९९ रूपैयाँ रहेको छ ।