सुनाखरी न्युज/ काठमाडौं । सुनको भाउमा आज बिहीबार पनि भारी गिरावट आएको छ। नेपाल सुनचाँदी व्यवसायी महासंघका अनुसार आज सुनको भाउ तोलामा १ हजार ४०० रुपैयाँले घटेको छ। यो सँगै प्रतितोला फाइन गोल्ड ९४ हजार ६०० रुपैयाँ र तेजाबी गोल्ड ९४ हजार १०० रुपैयाँमा झरेको छ।

हिजो बुधबार पनि सुनको भाउ तोलामा १ हजार ६०० रुपैयाँले घटेको थियो। यो दिन प्रतितोला फाइन गोल्ड ९६ हजार रुपैयाँ र तेजाबी गोल्ड ९५ हजार ५०० रुपैयाँमा किनबेच भएको थियो।

बुधबार र बिहीबार गरी दुई दिनमै सुनको भाउ तोलामा ३ हजार रुपैयाँले घटेको छ। आज चाँदीको भाउ तोलामा १० रुपैयाँले बढेर १ हजार १८५ रुपैयाँ कायम भएको छ। हिजो तोलामा ३० रुपैयाँले घटेर चाँदी १ हजार १७५ रुपैयाँका किनबेच भएको थियो।