सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ५ सय ६९ जनाको आरटी पीसीआर र एन्टिजेन विधिबाट परीक्षण गर्दा ४ सय ३५ जनामा कोरोना संक्रमण पुष्टि भएको हो ।

 

पछिल्लो २४ घण्टामा मुलुकभर एकै दिन थप ४ सय ३५ जनामा कोरोना संक्रमण पुष्टि भएको छ । मन्त्रालयका अनुसार १ हजार ६ सय ६७ जनाको पीसीआर विधिबाट परीक्षण गर्दा ३ सय १७ जना र १ हजार ९ सय २ जनाको एन्टिजेन विधिबाट परीक्षण गर्दा १ सय १८ जनामा कोरोना पुष्टि भएको हो ।

 

योसँगै नेपालमा कोरोना संक्रमितको कुल संख्या ११ लाख २३ हजार ९ सय ७६ पुगेको छ। योसँगै नेपालमा सक्रिय कोरोना संक्रमितहरुको संख्या २५ सय नाघेको छ । मन्त्रालयका अनुसार हाल नेपालमा २ हजार ५ सय ३७ जना कोरोनाका सक्रिय संक्रमितहरु विभिन्न आइसोलेशनमा उपचाररत छन् ।

 

त्यस्तै, पछिल्लो २४ घण्टामा नेपालमा थप ५६ जना संक्रमितहरु निको भएका छन् । योसँगै नेपालमा कोरोना संक्रमणमुक्त हुनेहरुको कुल संख्या ९ लाख ६८ हजार २२८ पुगेको स्वास्थ्य तथा जनसंख्या मन्त्रालयले जनाएको छ ।