कृष्ण आचार्य/ पोखरा। पोखराको सबैभन्दा पुरानो निजी अस्पताल पद्म नर्सिङ्ग होम प्रा. लि. नदिपुरबाट संचालनमा आएको छ । बिगत २७ बर्ष देखि पोखराको न्युरोडमा संचालनमा रहेको पद्म नर्सिङ्ग होम सोमबार घटस्थापनाको दिन देखि पोखरा–३ नदिपुरमा जापानीज प्रविधिमा निर्मित आफ्नै सुबिधा सम्पन्न भवन बाट संचालनमा आएको हो ।

नर्सिङ्ग होमले अहिले तत्काललाई इमर्जेन्सी सेवा, सबै प्रकारका बहिरङ्ग (ओपिडी) सेवा, अप्रेसन, जनरल वार्ड, अत्याधुनिक प्रयोगशाला, एक्सरे, भिडियो एक्सरे, इ.सि.जि., इकोकार्डियोग्राफी, इन्डोस्कोपी, फार्मेसी लगायत यस अगाडि प्रदान गर्दै आईरहेको सेवालाई यथावत राखेको जनाएको छ । नर्सिङ्ग होमले अब छिट्टै नै आईसियु एनआईसियु, पिआईसियु सिटि–स्क्यान, एमआरआई लगायतका सेवा थप गर्ने तयारी गरेको प्रा.लि. का प्रबन्ध निर्देशक नरेन्द्र बास्तोलाले जानकारी दिनुभयो । “हामीले सबै प्रकारका सेवा दिने तयारी गरेका छौ । न्युरोडमा संचालनमा रहदा भएका सबै सेवालाई यथाबत संचालन गरेर आईसियु एनआईसियु, पिआईसियु सिटि–स्क्यान, एमआरआई लगायतका सेवा थपको तयारी गरेका छौ । केही काम बाँकी रहेकाले यी सेवाहरु सुरु भने भएका छैनन् अब छिट्टै यी सेवाहरु पनि सुरु हुने छन् ।“ उहाँका अनुसार कार्तिक वा मंसिर सम्म यी सेवाहरु सुचारू गर्ने तयारी रहेको छ ।

पद्म नर्सिङ्ग होम प्रा.लि. नदिपुरबाट बरिस्ठ नेत्ररोग विशेषज्ञ प्रा.डा.सचेत प्रभात श्रेष्ठ, बरिस्ठ रेडियोलोजिष्ठ डा. कालू शर्मा सुवेदी, बरिस्ठ मुटुरोग विशेषज्ञ डा. नारायण गौतम, बरिस्ठ नाक कान घाँटी रोग विशेषज्ञ डा. कुलदिप नारायण अग्रहरी, एलर्जी, छाला तथा यौन रोग विशेषज्ञ डा. प्रवीण बानियाँ, बरिस्ठ फेमिली फिजिसियन डा. तरुण पौडेल, बरिस्ठ स्त्रीरोग विशेषज्ञ डा. जुनु श्रेष्ठ, बरिस्ठ बालरोग विशेषज्ञ डा.रामचन्द्र बास्तोला, स्त्रीरोग विशेषज्ञ डा. लक्ष्मी सुनार, बालरोग विशेषज्ञ डा. नम्रता के.सी., नशा तथा हाडजोर्नी रोग विशेषज्ञ डा. उपेन्द्र जंग थापा, बरिस्ठ युरोलोजिष्ट डा. धुर्व अधिकारी, बरिस्ठ जनरल सर्जन डा. ऋषि ढकाल, जनरल सर्जन डा. ओम कार्की, फिजिसियन डा. सुदर्शन सुबेदी, एनेस्थेशिया डा.अनिल न्यौपाने, बाल दन्तरोग विशेषज्ञ डाक्टर भावना सिग्देल, ल्याप्रोस्कोपीक सर्जन डा. सुनिल ज्वारचन, एनेस्थेशिया डा. बसन्त कोइराला, बरिस्ठ नेत्ररोग रेटिना एवं फेको विशेषज्ञ डा. सयम बजिमय , नेत्ररोग विशेषज्ञ डा. जोत्सना शर्मा सुबेदी र फिजिसियन डा. असिम बाटाजु लगायतका चिकित्सकद्वारा विशेषज्ञ सुबिधा लिन सकिन अस्पतालले जनाएको छ ।

नदिपुरमा स्थानान्तरण भए संगै ५० बेड क्षमता बाट १ सय बेड क्षमतामा स्तर उन्नतिको तयारी गरेको नर्सिङ्ग होमले भौतिक निर्माणको कामलाई तिब्रता दिएको जनाएको छ । नर्सिङ्ग होम बाट थप अनुभवी र बरिस्ठ डाक्टरहरुको परामर्शमा सेवा दिने गरेर तयारी थालिएको बताउदै प्रा.लि. का अध्यक्ष इन्दिरा शर्मा सुबेदीले निर्माणको काम अझै केही बाँकी रहेकोले थप सेवा संचालनमा आउन भने केही दिन लाग्ने सक्ने जानकारी दिनुभयो । प्रा. लि. का संचालक एवं वरिष्ठ मुटुरोग विशेषज्ञ डाक्टर नारायण गौतमले पद्म नर्सिङ्ग होमलाई यस क्षेत्रकै उत्कृष्ट अस्पताल बनाउने गरेर काम गर्ने बताउदै सर्वसुलभ स्वास्थ्य सेवालाई सबैको पहुँचमा पुर्याउने आफुहरुको उदेश्य रहेको बताउनुभयो ।झण्डै तीन दशक देखि पोखराको न्युरोडबाट स्वास्थ्य सेवा प्रदान गर्दै आएको नर्सिङ होमले पोखरा– ३ नदिपुरबाट सेवा सुरु गर्दै बिगतमा सेवाग्राही बाट पाएको अपार माया र सद्भावका लागि आभार व्यक्त गरेको छ भने आगामी दिनमा पनि उस्तै माया र साथको अपेक्षा गरेको जनाएको छ ।