सुनाखरी न्युज/ काठमाडौं । बाराको अमलेखगञ्जमा यात्रुवाहक बस दुर्घटना हुँदा १६ जनाको मृत्यु भएको छ । हेटौँडाबाट वीरगञ्ज जाँदै गरेको बागमती प्रदेश ०६ ००१ ख ०११० नम्बरको बस बिहीबार बिहान दुर्घटनामा परेको हो ।

बस सडकबाट करिब १ सय मिटर तल खसेको थियो । पुर्व पश्चिम राजमार्ग अन्तर्गत बाराको जितपुर सिमरा उप-महानगरपालिका वडा नम्बर- २२ तीन नम्बर पुल नजिक यात्रुबाहक बस दुर्घटना हुँदा भएको हो ।

दुर्घटनामा १० जना पुरुष र ६ जना महिलाको मृत्यु भएको जिल्ला प्रहरी कार्यालय बाराका एसपी होविन्द्र बोगटीले जानकारी दिनुभएको छ । घाइतेको हेटौँडा अस्पताल, चुरेहिल अस्पताल र मकवानपुर सहकारी अस्पतालमा उपचार भइरहेको छ ।