सुनाखरी न्युज /काठमाडौं– ललितपुरमा श्रीमतीको हत्या गरेर शव झुण्ड्याएको आरोपमा श्रीमान् पक्राउ परेका छन्। कात्तिक १२ गते दिउँसो साढे ५ बजेतिर गुल्मीको इस्मा गाउँपालिका–१ घर भइ ललितपुर नख्खुडोल, भैसेपाटी बस्ने २८ वर्षीया जमुना भनिने वसन्ती कुमाल मृत भेटिएकी थिइन्।

झुण्डिएको अवस्थामा मृत भेटिएको भनि सूचना आएपछि अनुसन्धानमा खटिएको प्रहरीले उनको मृत्यु संकास्पद देखिएको भन्दै थप अनुसन्धान अगाडि बढाएको थियो। अनुसन्धानका क्रममा उनकै श्रीमान् २९ वर्षीय राम कुमालले हत्या गरी शव झुण्डाएको पाइएपछि उनलाई पक्राउ गरिएको जिल्ला प्रहरी परिसर ललितपुरका एसपी तथा प्रवक्ता सुधीरराज शाहीले बताए।

जिल्ला अदालत ललितपुरबाट कर्तव्य ज्यानको कसुरमा म्याद लिएर उनीमाथि अनुसन्धान अघि बढाइएको एसपी शाहीले जानकारी दिए।