सुनाखरी न्युज/ काठमाडौं । नेपाली बजारमा सुनको मूल्यमा आज सामान्य गिरावट आएको छ । हिजो सुनको मूल्य प्रतितोला ९३ हजार ६ सय रुपैयाँमा कारोबार भएकोमा आज तोलामा चार सय रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा ९३ हजार २ सय रुपैयाँ रहेको छ भने तेजावी सुनको मूल्य प्रतितोला ९२ हजार ७ सय रुपैयाँ रहेको छ ।

त्यस्तै, आज चाँदीको मूल्य पनि घटेको छ । हिजो चाँदीको मूल्य प्रतितोला १२२५ रुपैयाँमा कारोबार भएकोमा आज घटेर प्रतितोला १२१५ रुपैयाँ मूल्य कायम भएको महासंघले जनाएको छ ।