सुनाखरी न्युज/ पर्वत । आगाामी मंसिर ४ गते हुने प्रतिनिधि सभा र प्रदेश सभा सदस्य निर्वाचनका लागि पर्वतका राजनीतिक दलहरु सक्रिय रुपमा प्रचार प्रसारमा लागेका छन् । नेकपा एमाले पर्वतले शनिवार जिल्लाको पैंयु गाउँपालिका वडा नं. ३ वेउलीवास र वडा नं. ४ र ५ हुवासमा सम्पन्न भएको छ ।

 

हुवासका वहानीडाँडा, हातेमालोचोक भुर्तेलथोक र वेउलीवासका विभन्नि बस्तीमा पुगेर घरदैलो तथा कोणसभा गरिएको हो । एमालेवाट प्रतिनिधि सभा सदस्यका उम्ेमदवार पदम गिरी र प्रदेश सभा ख का उम्मेदवार मित्रलाल बस्याल, समानुपातीक उम्ेमदवार केशकुमारी दमिनी सहित नेताहरुको टोलीले घरदैलो र कोणसभालाई जोड दिँदै आफ्ना एजेण्डा राख्ने र मतदाताका गुनासो र मागहरु संकलन गरिरहेको छ । सो अवसरमा बोल्दै प्रतिनिधि सभा सदस्यका उम्मेदवार पदम गिरीले विगत पाँच वर्षमा जिल्लाभर एक सय १८ किलोमिटर सडक कालोपत्रे गर्न सफल भएको बताउँदै त्यसको अधिकांस हिस्सा पैंयु क्षेत्रमा रहेको बताउनुभयो । कुश्मादेखि लुंखुसम्म कालोपत्रे भैसकेको बताउँदै लुंखुदेखि हुवाससम्म कालोपत्रेको काममा भैरहेको ढिलाईलाई निर्वाचन लगत्तै तिब्रता दिईने बतानुभयो ।

 

उहाँले बाँकी रहेका ग्रामीण सडकको कालोपत्रे र वडा तहमा पुग्ने हरेक सडक कालोपत्रे गर्नका लागि आफुलाई जिताउन आग्रह गर्नुभयो । गिरीले पैंयु क्षेत्रमा २५ बेडको सुविधासम्पन्न अस्पताल बनाउने घोषणा गर्नुभयो । गुणस्तरीय स्वास्थ्यसेवाको अभावमा यस क्षेत्रका नागरिक पाल्पा, बुटबल पुग्नुपर्ने अवस्था रहेको बताउँदै जिल्ला अस्पतालकै गुणस्तरको अस्पताल बनाउने घोषणा गर्नुभएको हो । पालिका स्तरको अस्पताल बन्दै गरेको छ उहाँले भन्नुभयो यस सदरमुकामबाट टाढा रहेकोले यहाँ जिल्लाकै गुणस्तरको अस्पताल बनाउने काम नेकपा एमालेले गर्नेछ ।
उहँले अघिल्लो कार्यकालमा छुटेका योजनाहरुलाई अबको पाँच वर्षमा पुर्णता दिने प्रतिवद्धता जनाउनुभएको छ । उहाँले एमालेनै विकास निर्माण र समृद्धिका लागि काम गर्ने दल भएकाले आफुहरु चुनावी नारा र योजना मात्र नभई काम गर्नेगरी फेरी मैदानमा आएको बताउनुभयो । उहाँले होश्राङदी र भोक्सीङ वासीले राखेका सडक, खानेपानी, सिंचाई लगायतका मागहरु पुरा गर्न आवश्यक पहल गर्ने प्रतिवद्धता जनाउनुभयो ।

 

प्रदेश सभा ख का उम्मेदवार मित्रलाल बस्यालले नेकपा एमाले नेतृत्वको सरकारले मुलुक विकास र समृद्धिका लागि मार्गचित्र कोरेको बताउँदै त्यसको पुर्णताका लागि पुन एमालेले जित्नुपर्ने बताउनुभयो । उहाँले अबको निर्वाचनमा एमाले स्पष्ट बहुमतका साथ बिजयी नभए मुलुक पछाडि धकेलिने समेत बताउनुभयो । पर्वत क्षेत्र २ को विकासकै लागि आफु निर्वाचनमा होमिएको उहाँको भनाई छ । कार्यक्रमा नेकपा एमले केन्द्रीय सदस्य कल्पना चापागाई, पूर्व मन्त्री विकास लम्साल, एमाले प्रदेश किमिटि उपसचिब मञ्जु अधिकारी, जिल्ला अध्यक्ष राजु पौडेल, प्रदेश सदस्य देवेन्द्रराज पाण्डे, जिल्ला उपाध्यक्ष पदमपाणी शर्मा, सचिब गोविन्द पहडी, जीवन उच्चै ठकुरी लगायतको सहभागिता रहेको छ ।

 

त्यसैगरी प्रदेश सभा १ का उम्मेदवार भक्त कुँवरको चुनावी कार्यक्रम जिल्लाको कुश्मा नगरपालिका वडा नं. ४ र ५ का विभिन्न टोलमा भएको छ । सो अवसरमा कुँवरले कुश्माबजारलाई स्मार्ट सिटी बनाउन पहल गर्ने बताउनुभयो । उहाँले नेकपा एमालेनै यो मुलुकको पहिलो शक्ति बन्ने बताउँदै आगामी पाँच वर्षका लागि २० वटा काम गर्ने ग्यारेण्टी सहित अघि बढेको बताउनुभयो । उहाँले पर्वतको समृद्धि र विकासका लागि एमाले बाहेक अन्य दलले गर्न नसक्ने बताउँदै सुर्य चिन्हमा मतदान गरी जिल्लाको भविष्य निर्माणमा योगदान गर्न आग्रह गर्नुभयो । कार्यक्रमम नेकपा एमाले केन्द्रीय सल्लहाकार परिषदका सदस्यका गणेश शर्मा पौडेल, प्रदेश कमिटि सचिवालय सदस्य मेघनाथ सुवेदी, मनोहर वि पौडेल, पूर्व सांसद जुना नेपाली, समानुपातीक उम्मेदवार कमला पन्त लगायतले बोल्नुभएको थियो ।