सुनाखरी न्युज/ काठमाडौँ । काठमाडौं क्षेत्र नं. ५ बाट प्रतिनिधिसभा सदस्यमा नेपाली कांग्रेसका युवा नेता प्रदीप पौडेल विजयी भएका छन् । नेकपा (एमाले)का वरिष्ठ उपाध्यक्ष इश्वर पोखरेललाई पराजित गर्दै पौडेल विजयी भएका हुन् ।

उनले एमालेका इश्वर पोखरेललाई ५ हजार ६५ मतान्तरले पराजित गरेका हुन् । मतगणनाको अन्तिम परिणामअनुसार पौडेलले १५ हजार २३७ मत पाएका छन् भने एमालेका पोखरेलले १० हजार १७२ मत पाएका छन् ।

तेस्रो स्थानमा रहेका राष्ट्रिय स्वतन्त्र पार्टीका डा. प्रणय शम्शेर राणाले ४ हजार १७९ प्राप्त गरेका छन् ।