सुनाखरी न्युज/ काठमाडौं । आजको खेल हेर्न एशियाली मुलुकका नागरिक उत्सुक देखिएका छन् । दुई एशियाली मुलुक जापानसँग क्रोएसिया र दक्षिण कोरियासँग ब्राजिल भिड्दै छन् ।

कतारमा जारी फिफा विश्वकप २०२२ मा आज प्रि क्वाटरफाइनलका २ खेल हुँदैछन् । पहिलो खेलमा जापान र क्रोएसियाबीच प्रतिष्पर्धा हुनेछ । अल जानुब स्टेडियममा हुने जापान र क्रोएसियाबीचको खेल राति ८: ४५ बजे शुरु हुनेछ । आज दुवै टोली जित निकाल्दै क्वाटरफाइनलमा पुग्ने योजनामा छन् । जापान समूह ‘ई’ बाट विजेता र क्रोएसिया समूह ‘एफ’ बाट उपविजेता बन्दै नकआउट चरणमा पुगेको हो ।

अर्को खेलमा ब्राजिल र दक्षिण कोरियाबीच प्रतिष्पर्धा हुनेछ । स्टेडियम ९७४ मा हुने ब्राजिल र दक्षिण कोरियाबीचको खेल राति १२:४५ बजे शुरु हुनेछ । आज ब्राजिल र दक्षिण कोरिया जित निकाल्दै क्वाटरफाइनलमा पुग्न चाहन्छ । ब्राजिल समूह ‘जी’ को विजेता र दक्षिण कोरिया समूह ‘एच’ को उपविजेता बन्दै नकआउट चरणमा पुगेका हुन् ।