सुनाखरी न्युज/पाल्पा । घर प्लास्टर गर्ने क्रममा खसेर पाल्पाको रामपुरमा २५ वर्षीय गजेश कुसुहवाको मृत्यु भएको छ ।

रामपुर नगरपालिका–५, बेझाडस्थ्ति दुर्गा केसीको चार तले पक्की घर प्लास्टर गर्ने क्रममा पर्सा छिपहरमाई–३, मंगलापुर घर भएका कुसुहवाको मृत्यु भएको जिल्ला प्रहरी कार्यालय पाल्पाले जनाएको छ ।

प्लास्टर गर्ने क्रममा खसेर घाइते भएका कुसुहवालाई उपचारका लागि रामपुर अस्पताल पठाएको थियो।