सुनाखरी न्युज  / काठमाडौँ कतारमा जारी विश्वकप फुटबलको क्वाटरफाइनल देखिका खेल फिल्म हलमा हेर्न पाइने भएको छ । शुक्रबारदेखि शुरु भएको क्वाटर फाइनल खेल बानेश्वर र कालिमाटीमा रहेको वान सिनेमाजले देखाउन लागेको हो। विश्वकपका कारण हलमा फिल्म हेर्ने दर्शकमा भारी गिरावट आएको छ । वर्तमान अवस्थामा फुटबलको क्रेजलाई मध्येनजर गर्दै हलहरूले सशुल्क फुटबल खेल देखाउने तयारी गरेका हुन ।

क्वार्टरफाइनलको पहिलो खेलमा ब्राजिल र क्रोएसिया, दोस्रो खेलमा नेदरल्याण्ड्स र अर्जेन्टिना तथा शनिबार हुने तेस्रो र चौथो खेलमा मोरक्को र पोर्चुगल तथा फ्रान्स र इंग्ल्याण्ड खेल्दै छन ।त्यस्तै राजधानीको कमलपोखरीस्थित बिग मुभिजले सेमिफाइनल र फाइनल खेल हलमा देखाउने भएको छ भने क्युएफएक्सले फाइनल खेल मात्रै हलमा देखाउने तयारी गरेको छ। यी बाहेक आइएनआई, सिडिसी, बिएसआर लगायतका मल्टिप्लेक्सले पनि विश्वकप देखाउने तयारी गरिरहेका छन्।