सुनाखरी न्युज/ काठमाडौं । ललितपुर महानगरपालिका १४ ताल्छिखेलमा हिजो चोरीको मोटरसाईकल सहित २ जनालाई काठमाण्डौ उपत्यका ट्राफिक प्रहरी कार्यालय रामशाहपथबाट खटिएको टोलिले नियन्त्रणमा लिएको छ ।

बाग्मति प्रवेश ०२ ०१६ प ६०२९ नम्बरको २२० सिसिको मोटरसाईकल हराएको निवेदन २०७९ असोज ६ गते यस कार्यालयमा दर्ता भएको थियो । उक्त निबेदनको आधारमा खोजतलास गर्ने क्रममा हिजो साँझ साढे ४ बजे परिवर्तित नम्बर प्लेट बाग्मति प्रदेश ०२ ०१९ प ९५६४ प्रयोग गरी चलाएको अवस्थामा ताल्छिखेलबाट रामेछाप दोरम्बा ५ घर भई हाल भक्तपुर बस्ने २२ वर्षिय रिदम बहादुर थापा मगर र दोरम्बा ५ घर भई हाल काठमाण्डौको सुन्धारा बस्ने २१ वर्षिय प्रेम थापा मगरलाई नियन्त्रणमा लिईएको हो ।

नियन्त्रणमा आएका दुबै जनालाई थप अनुसन्धान तथा कारवाहीको लागि जिल्ला प्रहरी परीसर ललितपुर पठाइएको छ ।