सुनाखरी न्युज/ काठमाडौं । काठमाण्डौ उपत्यका ट्राफिक प्रहरी कार्यालय रामशाहपथबाट खटिएको टोलिले हिजो चोरीको मोटरसाईकल सहित १ जनालाई नियन्त्रणमा लिएको छ ।

२०७८ कात्तिक २५ गते यस कार्यालयमा स १० प १३२७ नम्बरको २२० सि.सि को मोटरसाईकल ललितपुरको ललितपुर महानगरपालिका १८ मगरगाँउबाट हराएको निवेदन यस कार्यालयमा दर्ता भएको थियो । उक्त निवेदनको आधारमा खोजतलास गर्ने क्रममा हिजो साँझ ५ बजे काठमाण्डौको काठमाण्डौ महानगरपालिका ३२ बानेश्वरबाट परिवर्तित नम्बर बा ९३ प ८७८ प्रयोग गरी चलाएको अवस्थामा काभ्रेपलाञ्चोक रोशि गाँउपालिका घर भई हाल बुढानिलकण्ठ बस्ने २८ वर्षिय वाङजु लामालाई नियन्त्रणमा लिइएको हो ।

लामालाई नियन्त्रणमा लिई आवश्यक अनुसन्धान तथा कारवाहीको लागि जिल्ला प्रहरी परीसर ललितपुर पठाइएको छ ।