सुनाखरी न्युज/काठमाडौं । भीमकालीपाटन बगर स्थित पि एन क्याप्पसमा सम्पन्न भई रहेको अन्तर संकाय खेलकुद प्रतियोगिता कार्यक्रममा वकृत्वकला प्रतियोगिता सम्पन्न भएको छ ।

विद्यार्थी कल्याण तथा खेलकुद शाखाले आयोजना गरेका सो कार्यक्रममा कुल १८ जना विद्यार्थीहरुको सहभागीता रहेको थियो । विहान ९:३० बजे सञ्चलन भएको सो कार्यक्रममा गोलाप्रथाद्वारा दुई शीर्षक मध्ये “शिक्षामा प्रविधिको प्रयोग” छनोट गरिएको थियो । सो कार्यक्रममा मानविकि संकायका छात्र तारानाथ पराजुली प्रथम, कानुनका अमृत विश्वकर्मा र सौगात सुवेदी क्रमश दितिय र तृतिय भएको थिए ।

वि ए का संकाय प्रमुख यादवराज उपाध्यायको संयोजकत्वमा भएको सो कार्यक्रममा शिक्षा संकायका प्रध्यापक लाल बहादुर कुँवरले सभापतित्व ग्रहण गरेका थिए । कार्यक्रमको मुल्याङकर्तामा डा. यमनाथत तिमिल्सिना र डा.कष्ण पन्थी रहेका थिए । सो कार्यक्रम विभेल सापकोटाले सञ्चालन गरेका थिए । यस खेलकुद प्रतियोगितामा अन्य खेलकुद समेत चलिरहेका छन् ।