सुनाखरी न्युज/ काठमाडौं । भायानेट कम्युनिकेसन्सकी प्रमुख कार्यकारी अधिकृत सेवा पाठक बोहरा ‘एचआरएम लिडरसिप फिमेल अफ द इयर अवार्ड २०२२’ ले सम्मानित भएकी छिन् । उनलाई नेपालको प्राविधिक क्षेत्रमा गरेको असाधारण नेतृत्व र योगदानका लागि सम्मान गरिएको हो।

उनी देशको प्रविधि क्षेत्रमा नेतृत्व गर्ने पहिलो महिलामध्ये एक भएको कम्पनीले जनाएको छ। सन् २०१२ मा भायानेटको वित्त तथा सञ्चालन निर्देशकका रूपमा काम सुरु गरेकी उनी सन् २०१८ मा कम्पनीको प्रमुख कार्यकारी अधिकृत बनेकी थिइन्। उनको कार्यकालमा भायानेटले आफ्नो गुणस्तरीय इन्टरनेट र आइपिटिभी सेवाहरूको स्तरोन्नति गर्दै देशैभर द्रुत रूपमा विस्तार गरिरहेको कम्पनीले जनाएको छ ।

एचआरएम अवार्ड कर्पोरेट क्षेत्रमा भएका विविध विधाका उत्कृष्टतालाई पुरस्कृत गर्ने उद्देश्यले सन् २०२१ मा स्थापना भएको वार्षिक पुरस्कार हो ।