सुनाखरी न्युज/ काठमाडौँ । जग्गा कित्ताकाट गर्न सहजीकरण गर्ने भन्दै सेवाग्राहीबाट १ लाख ७५ हजार घुस लिएका नापी कार्यालय काठमाडौंका सर्वेक्षक पक्राउ परेका छन् ।

अख्तियार दुरुपयोग अनुसन्धान आयोगको विशेष टोलीले सर्वेक्षक रमेश उपरकोटीलाई मंगलबार दिउँसो नापी कार्यालय मनमैजुस्थित कार्यालयबाटै घुससहित पक्राउ गरेको हो । उनीसँगै लेखापढी व्यवसायी अभिषेक कार्की पनि पक्राउ परेका छन् । कार्की लेखापढीसम्बन्धी नापी कार्यालयनजिकै मुक्तिनाथ कानुनी सेवाका प्रमुख हुन् ।

सेवाग्राहीलाई जग्गा कित्ताकाट गराइदिनु प्रलोभनमा नापी सर्वेक्षक उपरकोटीले कार्कीमार्फत घुस डिल गरेका थिए । त्यसको सूचना पाएपछि अख्तियारको टोली नापी कार्यालयमा पुगेको थियो । त्यसक्रममा नगद १ लाख ७५ हजार रुपैयाँ फेला परेकमो थियो । अख्तियारले दुवै जनामाथि अनुसन्धान भइरहेको जनाएको छ ।