सुनाखरी न्युज / मोरङमा आफ्नै साथीलाई कुटपिट गरी हत्या गर्ने प्रयास गरेको आरोपमा १३ जना बालिका पक्राउ परेका छन । जिल्ला प्रहरी कार्यालय मोरङका अनुसार मिक्लाजुङ गाउँपालिका ३ मा रहेको कालिका माध्यमिक विद्यालयमा अध्ययनरत १४ वर्षिया बालिकामाथि निर्घात कुटपिट गरी हत्याको प्रयास गरेको आरोपमा उनीहरूलाई पक्राउ गरिएको हो ।

सो कुटपिटको भिडिओसमेत बनाएर सामाजिक सञ्जालमा सम्प्रेषण गरेपछि भाइरल भएको थियो । त्यसपछि घटनामा संलग्न सोही विद्यालयमा अध्ययन गर्ने १३ जना बालिकाहरुलाई पक्राउ गरिएको जिल्ला प्रहरी कार्यालय मोरङका प्रवक्ताले जानकारी दिए ।

प्रहरीले उनीहरुमाथि मोरङ जिल्ला अदालतबाट ज्यान मार्ने उद्योगमा ५ दिनको म्याद थप गरी अनुसन्धान थालेको छ ।