सुनाखरी न्युज / कञ्चनपुर — कञ्चनपुरको भीमदत्त नगरपालिका–४ गोबरियामा एक घरमा भाडामा बस्न आएका दुई भारतीय नागरिकले बुधबार राति नशालु पदार्थ खुवाएर लुटपाट गरेको प्रहरीले जनाएको छ ।  उनीहरूले नै बुधबार राति लड्डु र चिसो पेय पदार्थमा नशालु पदार्थमा खुवाएर बेहोस बनाई लुटपाट गरेका हुन ।

बिहीबार बिहान बेहोस अवस्थामा भेटिएका प्याली परिवार र उनको घरमा भाडामा बस्ने ८ जनालाई महाकाली प्रादेशिक अस्पतालमा भर्ना गरिएको छ । उनीहरूको अवस्था सामान्य रहेको छ ।

प्रारम्भिक अनुसन्धानमा घरबाट १० आनाको सुनको तिलहरी र ४ हजार नगद लुटिएको प्रहरीले जनाएको छ ।