सुनाखरी न्युज / मोरङ – नेपाल आर्मीको महिला टोली भारतको पटनामा जारी रोविन रोशन स्मृति अल इण्डिया हक्की प्रतियोगिताबाट बाहिरिएको छ । शुक्रबार बिहान पटनास्थित बीएमपी हक्की मैदानमा भएको खेलमा विहारको महिला टोलीसंग पेनाल्टी सुटमा पराजित भएको हो ।

निर्धारित समयको खेलमा दुवै टोली समान दुई गोलको बराबरीमा रोकिएपछि खेल पेनाल्टी सुट आउटतर्फ धकेलिएको थियो । खेलको सुरुआतमा आर्मीका लागि सीताकुमारी चौधरी र सीतामाया बलले गरेका थिए । त्यसैगरी, विहारबाट जवाफी २ गोल फर्किएपछि खेल बराबरीमा रोकिएको थियो। पराजयसँगै आर्मीको महिला प्रतियोगिताबाट बाहिर भएको छ ।

यसअघि क्वाटरफाइलनमा महिलाको टोलीले पश्चिम बगाललाई एक शुन्यले पराजित गरेको थियो । त्यसैगरी, आर्मीको पुरुष टोलीले सेमीफाइनल खेलमा स्पर्धा गर्ने प्रशिक्षक रञ्जन थापाले जानकारी दिए ।