सुनाखरी न्युज/ काठमाडौं । कालिकोटमा जीप दुर्घटना हुँदा दुई जनाको मृत्यु भएको छ भने एक जना गम्भीर घाइते भएका छन । ​कालिकोटको रास्कोट नगरपालिका-२ सेरामा जिप दुर्घटना भएको हो ।

घटनामा परी रास्कोट-१ का वर्ष ४३ का मनबहादुर साही र उहाँको श्रीमती मन कुमारी शाहीको मृत्यु भएको छ । प्रहरीका अनुसार गाडी सात सय मिटर तल खोलामा खसेको छ ।

घाइते महिलाको अवस्था चिन्ताजनक रहेको छ । घाइतेलाई उपचारका लागि रास्कोट अस्पताल लगिएको छ ।