सुनाखरी न्युज /  काठमाडौं –  चाबहिल गणेशस्थान चौरमा मंगलबारदेखि दोस्रो वडाध्यक्ष कप भेट्रान फुटबल सुरु भएको छ। चाबहिल भेट्रान र कपन भेट्रानबीच पहिलो खेल खेल सुरु गर्दै वडा नम्बर ७ का वडाध्यक्ष बिमलकुमार होडाले समाज, टोल र समुदायका बीचमा आत्मीयता बढाउन खेलले मद्दत गर्ने बताए।खेलका विजेतालाई नगद १ लाख रुपैयाँसहित ट्रफी र उपविजेतालाई नगद ५० हजार रुपैयाँसहित ट्रफी प्रदान गरिनेछ।

यस्तै स्ट्राइकर, किपर, डिफेन्सरलगायत विभिन्न विधामा खेलाडीलाई नगद ५ हजारसहित पुरस्कृत गरिनेछ। वडा सदस्य एवं प्रतियोगिताका संयोजक सुरेश शाहीका अनुसार खेलका लागि नवलपरासीबाट २ टोली, बनेपाबाट १, हेटौंडाबाट १ र चितवनबाट १ गरी बाहिरी जिल्लाबाट ५ टोलीको सहभागिता छ।

नकआउटका आधारमा खेलाइने खेल हरेक दिन बिहान ८ बजेदेखि निरन्तर २ खेल र बेलुका ४ बजेदेखि एउटा खेल खेलाइनेछ। असार ४ गते खेलको अन्तिम प्रतिस्पर्धा हुनेछ।