सुनाखरी न्युज/ काठमाडौं । पोखरा महानगरपालिका, वडा नं. ३०, खुदी–ढुङ्गेपाटनमा अवस्थित यस गोल्डेन नेचर बोर्डिङ स्कुलले आफ्नो शैक्षिक क्यालेण्डरमा उल्लेख भए बमोजिम कक्षा ४ देखि ६ सम्म अध्ययनरत विद्यार्थीहरूका बीच नेपाली वादविवाद प्रतियोगिता सम्पन्न गरेको छ ।

विद्यार्थीहरूमा रहेको प्रतिभा प्रष्फुटन साथै तार्किकक्षमतामा थप निखार ल्याउने उद्देश्यले आयोजित उक्त प्रतियोगितामा मञ्जिला अधिकारीले प्रथम स्थान प्राप्त गर्न सफल भइन भने उत्सव न्यौपानेले द्वितीय स्थान, लक्ष्मण सापकोटा र लब्सन बुढाले तृतीय स्थान र अन्वेषण चापागाईले सान्त्वना स्थान प्राप्त गर्न सफल भए ।

उक्त कार्यक्रमको संयोजन विद्यालयका शिक्षिकाहरू श्रृजना घिमिरे र सरिता रानाभाटले गर्नु भएको थियो ।