सुनाखरी न्युज / काठमाडौं  – नेपाली राष्ट्रिय क्रिकेट टीमलाई उत्कृष्ट सुरुवात दिलाउँदै विश्वकप छनोटअन्तर्गत जारी खेलमा जिम्बावेविरुद्ध ओपनर कुशल भुर्तेलले अर्धशतक पूरा गरेका छन् ।

जिम्बावेस्थित हरारे मैदानमा टस हारेर ब्याटिङ थालेको नेपालका लागि कुशलले १९ ओभरको समाप्तिमा अर्धशतक पूरा गरेका हुन् ।नेपालका लागि ३९औं एकदिवसीय अन्तर्राष्ट्रिय खेल खेलिरहेका कुशलले जारी खेलमा आसिफ शेखसँग ८४ रनको साझेदारी गर्दै ६३ बलमा ८ चौकाको मद्दतमा अर्धशतक पूरा गरेका छन् ।

यो कुशलको सातौं ओडीआई अर्धशतक हो । अहिलेसम्म नेपालले २१ ओभरको समाप्तिमा कुनै विकेट नगुमाई ९५ रन बनाएको छ । कुशल भुर्तेलले ५८ र आसिफ शेखले ३१ रन जोडेका छन् ।