सुनाखरी न्युज/ काठमाडौं । तपाईं सुत्नुअघि हातखुट्टा त धुनुहुन्छ होला । यदि धुनुहुन्न भने पनि आजैदेखि यो बानी सुरु गर्नुहोस् । यसका धेरै फाइदा छन् । दिनभरको थकान कम गर्न, राम्रो निद्रा पाउन वा रातभर शरीरमा ऊर्जा भर्नका लागि साँझमा खुट्टा धोएर सुत्नु आवस्यक छ ।

 

आज हामी बताउनेछौं, रातमा सुत्नुअघि खुट्टा धुनु किन जरुरी छ र यसका कस्ता फाइदा छन् भन्नेबारे । हाम्रो शरीरको सम्पूर्ण भार खुट्टाले उठाउँछन् । यस्तोमा खुट्टा दुख्ने, ऐंठन हुने जस्ता समस्याको सामना गर्नुपर्ने हुन्छ । रातमा खुट्टा धोएर सुत्ने गर्दा मांसपेशीलाई आराम मिल्नुका साथै जोर्नीमा हुने दुखाई पनि कम हुन्छ ।

ऊर्जा पाइन्छ

शास्त्रका अनुसार दिनभरको मेहनत पछि रातमा जब शरीरले आराम गर्छ त्यसपछि अर्को दिनको लागि ऊर्जावान हुन पनि खुट्टा धुनु अनिवार्य हुन्छ । यस्तो मान्यता छ कि खुट्टा नधोएर सुत्दा शरीरमा ऊर्जाको सञ्चार राम्रोसँग हुन पाउँदैन ।

 

ब्याक्टेरिया रोकिन्छ

शरीरमा सबैभन्दा पहिला खुट्टामा नै ब्याक्टेरिया आउँछन् । जहाँबाट ती सम्पूर्ण शरीरमा फैलन्छन् । त्यसैले सुत्नुअघि साबुन पानीले खुट्टा धुनुपर्छ जसले गर्दा ती ब्याक्टेरिया शरीरमा प्रवेश गर्न पाउँदैनन् । त्यस्तै खुट्टाबाट पसिना आउने भएकाले पनि ब्याक्टेरिया आकर्षित हुन्छन् । त्यसैले खुट्टा धोएर मात्र सुत्नुपर्छ ।

तापक्रम नियन्त्रण हुन्छ

सुत्नुअघि खुट्टा धोएर सुत्ने गरेमा शरीरको तापक्रम पनि नियन्त्रित रहन्छ । शरीरमा कुनै पनि प्रकारको थकान तथा चिन्ता कम गर्न पनि यसले सहयोग गर्छ । यतिमात्र नभएर खुट्टा धुँदा मानसिक शान्ति पनि पाइन्छ र राम्रो निद्रा लाग्छ ।एजेन्सी