सुनाखरी न्युज/ काठमाडौं । ६१ वर्षीय हलिउड स्टार टम क्रुज आफ्नो करियरको उत्कृष्ट चरणमा छन् । सन् २०२२ मा आफ्नो फिल्म ‘टप गनः माभेरिक’ बाट बक्स अफिसमा धमाका कमाएपछि टम अब आफ्नो हिट श्रृंखलाको चलचित्रको मिशन इम्पोसिबल लिएर फर्किएका छन्। ‘मिशन इम्पोसिबल ७’ जुलाई १२ मा विश्वभरका सिनेमाघरमा रिलिज हुँदैछ ।

यस चलचित्रको पूरा नाम ‘मिशनः इम्पोसिबल – डेड रेकनिङ पार्ट वन’ हो । टम क्रुजलाई हलिउड सिनेमाको टप सुपरस्टार किन मान्ने भन्ने यो फिल्म हेरेर थाहा हुन्छ, ‘मिशन इम्पोसिबल ७’ हेर्न विश्वभरका फ्यानहरु उत्साहित भएका थिए । अहिले रिलिज भइसकेपछि दर्शकको उत्साह हेर्न लायक छ । एक्शन र मिस्ट्रीले भरिपूर्ण यस फिल्ममा टम क्रुजले उत्कृष्ट स्टन्ट गरेको देख्न सकिन्छ । फिल्ममा टमले मोटरसाइकल लिएर पहाडबाट हाम फालेको देख्न सकिन्छ। यो उनको अहिलेसम्मकै सबैभन्दा खतरनाक स्टन्ट भएको अभिनेताले बताए । उनलाई यो स्टन्ट सानैदेखि गर्ने रहर थियो । यो फिल्मले धेरै दर्शकको अपेक्षा पूरा गर्न नसकेको भए पनि दर्शकहरु चलचित्र हेर्न हलमा पुगेका छन् ।

यसैबीच फिल्मको बजेट र मुख्य कलाकार टम क्रुजको पनि खुलासा भएको छ । भेराइटीको समाचार अनुसार ‘मिसनः इम्पोसिबल – डेड रेकनिङ पार्ट वन’ २९ करोड डलर अर्थात् करिब २ हजार ३ सय ८५ करोड रुपैयाँको बजेटमा बनाइएको छ । यो मूल्य निर्माताहरूले पहिलो बजेटको तुलनामा करिब १० गुणा बढी हो। यस फ्रेन्चाइजको अघिल्लो फिल्म ‘मिशनः इम्पोसिबल – फलआउट’ (२०१८–१९ मिलियन डलर  बनेको थियो।

टम क्रुज हलिउड उद्योगका सबैभन्दा महँगा अभिनेता मध्ये एक हुन् । द सनको समाचार अनुसार आफ्नो शुल्कको बारेमा कुरा गर्दा, टम क्रुजले मिशन इम्पोसिबल फ्रेन्चाइजीका अघिल्ला फिल्महरूबाट १०० मिलियन डलर कमाइसकेका छन् । ‘मिशन इम्पोसिबल ७’ का लागि उनले १२ देखि १४ मिलियन डलर शुल्क लिएका छन् । रिपोर्टमा यो पनि बताइएको छ । बक्स अफिसमा आउने मुनाफाको एक हिस्सा टमले पनि लिइरहेका छन्। जस्ट जेरेडको रिपोर्ट अनुसार टम क्रुजको नेटवर्थ ६० करोड डलर छ । मिशन इम्पोसिबल फ्रेन्चाइजीले जासुसी थ्रिलर फिल्महरूलाई फरक आयाम दिएको छ। यस शृङ्खलाको कारण, सिनेमामा नयाँ टेम्प्लेट सुरु भयो, जसमा प्रविधिको महत्त्वपूर्ण भूमिका थियो। साथै, यसको जबरदस्त एक्शन सिक्वेन्सले जेम्स बन्ड फिल्महरूलाई पछाडि छोडेको छ। स्क्रिनरेन्टको समाचार अनुसार ‘मिशन इम्पोसिबल ७’ ले आफ्नो बजेट रिकभर गर्न ग्लोबल बक्स अफिसमा ८० करोड डलर कमाउनुपर्नेछ।एजेन्सी